我的你的紅的

司機的心聲
【藤原氏】

呢件事發生喺入行初期。

作為新界人,去親港島區都係嗰幾個點,直到揸的士後,就好似好拓咗一個新天地咁。

嗰次係喺SOGO附近上車嘅乘客,要去小西灣。當時都唔係太熟路,喺東區走廊慢線上,好似新牌咁以時速七十公里多行駛,仲幾乎順路落咗去北角。

「司機你可唔可以開快少少,部8P都快過你,咁我做咩要搭的士呀。」終於,乘客忍無可忍開聲,我記得仲好傻咁答佢怕影相之類嘅答案,換來無情嘅恥笑,恥笑我連邊度有快相位都唔知,應該向巴士佬學習。

據乘客講,唔塞車嘅時候,8P嘅行車時間同私家車、的士相去不遠,站少車快。「咁佢哋日日行同一條線,好難揸得慢,每個彎多條裂痕定少粒石,佢哋都一清二楚,我好難跟得上。」我嘅抗辯理由大約係咁,同時踩油追上去,揸的士而比巴士慢,確實講唔過去。乘客其實唔趕,只係唔舒服先搭的士,我揸得平穩,佢都好滿意,只係慢過巴士真係幾難接受,先出聲講兩句。令我印象最深刻嘅一句,係佢建議我向巴士司機學習:「你新仔揸搵食車,唔熟路就跟巴士,尤其港島啲山路,石澳道薄扶林道嗰啲,跟巴士學下啦。」當時我心諗,唔通我後生嗰陣係石澳車神又話你知咩,點知佢見我唔出聲,估到我唔服,提出令人無可辯駁嘅事實:「嗰班師傅一日揸幾十次,你就算好似拓海咁成日操都無用,佢哋係文太呀。」

對於乘客嘅斷言,我係唔相信嘅。雖然我唔熟港島嘅大街小巷,但係石澳道呢啲,一有車牌就去飛啦,拓海係稱唔上,但都唔會淪落到要向巴士學習掛。

好快,我就領略到現實嘅殘酷。以前所謂飛車,都係深夜無車時份,去到正常嘅晚間,先觀察到9號巴士嘅線位準確到難以置信,直路當然跟得上,去到彎位,特別係有對頭車嘅時候,佢哋都能夠將龐大嘅車身準確無誤咁通過狹窄嘅彎位,絲毫無浪費路面空間,我終於相信乘客所講嘅文太理論。

揸得一手好車有好多考量因素,熟路與否可以大大拉開技術差距。一直以來我都信奉巴士司機、紅VAN司機就係最好嘅線位教練,邊度可以去,邊度一定要收,熟悉呢啲資訊,行車會比唔熟路嘅司機安全得多。

然而,近日嘅意外顯示出,原來巴士司機唔一定熟路。我可以理解每個司機都有新入行嘅一日,無人一上車就文太上身,但係對新入職嘅司機黎講,路線訓練係咪足夠呢?啱啱見有幾個所謂「工會」,仲話司機人手不足,要引入外勞解決人手短缺嘅問題,而唔去反省對職業司機嘅待遇、培訓是否足夠,唔去反省點解無新人入行,一味以商業考量為第一考量,呢啲「工會」「總會」只係想你香港人死。

唔知要死幾多人,先有人會明白呢啲大型交通意外,唔係個別事件,唔單止係司機個人問題呢?
http://ift.tt/2o1qGCw

廣告
張貼於生活點滴. 標籤: . Leave a Comment »

我的你的紅的

做司機其實都好大壓力,香港人越來越不懂得寬容
有一次搭巴士,係47X線,一轉出葵廣,就聽到樓下傳來爭執聲,同時巴士喺轉彎位停低。有一把男聲不斷屌司機,叫司機「開佢嘅車」「遲啲先俾錢唔得嘅」。當然少不得食花生嘅群眾大叫報警、收皮之類,而我只擔心使唔使轉車,因為我理解巴士司機係可以以情緒不穩為由,拒絕駕駛。

當然,一如大部分爭執,擾攘一陣,巴士已經重新上路。沿途我緊握扶手,朋友問我做咩咁緊張,「我哋坐喺一架躁緊嘅司機揸嘅車上面,唔緊張?」

成件事可以係司機態度唔好,可以係乘客態度囂張,司機乘客嘅糾紛,是非對錯唔容易分得清,生死之間從來很分明。遇有司機唔好,事後投訴一定勝於現場爭論。正如去餐廳食嘢,唔會有人蠢到喺未上菜前就屌職員,即使間餐廳唔啱,上網數臭佢就好。

工作上情緒不穩,每人都試過,但唔係每個人嘅工作都牽涉人命。職業司機責任重大,乘客挑戰司機情緒是不智,司機亦應具備高於常人的EQ,儘管職業司機薪金微薄,不受重視,或會被人諷刺「字都唔識多隻」,但我們責任重大。當你坐得上司機位,就對沿途生命負責任,別人可以千錯萬錯,我哋半秒都唔可以錯。

死者已矣,還活着的除了默哀,還應該將教訓銘記。司機大佬,共勉之。
http://ift.tt/2G5UG7x

張貼於生活點滴. 標籤: . Leave a Comment »

無神論者的巴別塔

雖然我唔鍾意呢位黃生,但無奈佢這次真是在歷史的正確一方
雖然話歷史在笑,但響今日建制派強行通過修改議事規則議案嘅今日,再睇番呢段片嘅內容,我真係想喊

想當日,黃毓民已預言,民主黨、公民黨、李卓人等支持收緊議事規則,就係為立法會打開缺口,隨之而黎必然會有第二、第三步嘅收緊;果不其然,一如佢所預料,收緊議事規則嘅缺口,由此打開

但最可恨嘅係當日呢班飯民議員,早就拍拍屁股走人,而繼承佢地議席嘅黨員,竟然全部都可以將今日嘅惡果講到同自己毫無關係,甚至仲扮抗爭、扮為香港人捍衛議會自由;

黃毓民話,對於當日支持修緊議事規則嘅飯民主派議員,歷史將會給予佢地懲罰,可悲嘅係,歷史最終並無懲罰何俊仁李華明涂謹申張文光劉慧卿李永達甘乃威黃成智余若薇湯家驊梁家傑陳淑莊呢班人,而係懲罰咗香港市民
http://ift.tt/2oo8NBm

張貼於生活點滴. 標籤: . Leave a Comment »

主場新聞博客群

今日的敏感詞係「低端人口」
【香港大部分人都係低端人口】假才子

有次被個陸生問起「其實香港的特首是怎麼選的?不是香港人選出來的嗎?」
「不完全是,是一個一千二百人的委員會選出來的」
「那就是間接選舉囉」
「也不算是吧,因為沒有普選,大部分香港人都沒得選那個委員會」
「那不是連人大選舉還不如嗎?」

連大陸人都一眼睇穿係假選舉,仲要話連大陸的人大選舉 (理論上一般市民有得份投,雖然候選人就篩選過晒) 都不如。政治權利係基本的權利,而香港人的政治權利就被分做幾級。冇票選特首/選委會/功能組別的,算得上低端人口吧?(完)

【文章連結:http://ift.tt/2nbTye8

【作者 fb page:http://ift.tt/2zKQETq
http://ift.tt/2nbTzic

張貼於生活點滴. 標籤: . Leave a Comment »

假才子

有錢齊齊搵, 就係獅子山下精神
親中派給年輕人的榜樣
2017年11月21日

親中派人士經常訓斥年輕人不夠拼搏,要年輕人多學習上一代的獅子山下精神,但筆者認為並不容易,因為如果以親中派人士做榜樣的話,年輕人會學習到的只會是:

抓緊一帶一路機遇,做貪污洗錢打手:
何志平

官商鄉黑勾結、裙帶資本主義、生意失敗唔緊要可以賣身比國家:
梁振英、董建華、榮智健等

滿口歪理,眼都唔眨:
「拉勻一世好小事」「咪埋眼就冇洗腦」「唔好政治化李飛講話」等

學歷造假冇有怕,你夠膽老作就得:
何君堯、葛博士、柯碩士等

變色龍牆頭草,愛邊國隨時變,邊鬧外國邊揸人護照:
范徐麗泰、譚惠珠、梁君彥、陳啟宗等

返大陸就叫雞,難怪咁愛大陸:
雷鼎鳴個支付寶朋友、吳亮星個洗頭艇朋友、馬恩國槍炮團等
http://ift.tt/2jJTMrC

張貼於生活點滴. 標籤: . Leave a Comment »

無神論者的巴別塔

連登仔真有文化
世說新成語:〈若蓮喪子〉

丁酉年秋,酷吏若蓮長子自盡,民不以為悲,反竊喜。吏斥曰禽獸,民詰之:「昔吏行峻法,先生棄世,學子尋短,何不以悲?何不思過而自省?反諷諸先生學子!十數載前,先有羅門范氏嘲先生之亡,曰:「若為苛政故,亡者豈只一二乎?」;及至學子歿者逾七十眾,猶有九日連殞七命者。吏吳克儉又譏其事,曰:「生徒尋死蓋因未嘗遠謀,於未未規之,取死之道也。」二吏身居朝堂,掌司徒事,見師生死,冷嘲熱諷,何鮮仁也!今若蓮喪子,吏偽憐之,更未憐昔眾師生。民仇之而悅,喜見其悲,不亦人性乎?非子曰:『以直報怨,以德報德』乎?」

【釋義】 若蓮:港共酷吏,大力鼓吹推行洗腦教育,所屬衙門曾指責自殺學生欠缺人生規劃。喪子:兒子死了。
【出處】 丁酉年秋酷吏若蓮長子自盡記:「今若蓮喪子,吏偽憐之,更未憐昔眾學子。」
【用法】 形容發生同樣的事情時,屬平民百姓的極盡涼薄,但涉及權貴的則強迫大眾尊重
【例句】 商人聲稱全民共享的郊野公園可以開發,但高球俱樂部卻要不遷不拆,真是若蓮喪子呀!
【義近】 厚此薄彼/只許州官放火,不許百姓點燈
【義反】 不偏不倚/公正無私/一視同仁

=====

世說新成語‧續:〈只許州官食蓮蓉,不許百姓論蓮子〉

又曰:若蓮喪子,官諱其事,觸者必怒,學生多被榜笞。於是全港皆謂蓮蓉為屍。中秋賞月許入港內眾盡興,吏人遂書榜揭於市曰:「本港依例准食蓮蓉三日」

世人曰:此乃只許州官食蓮蓉,不許百姓論蓮子也
http://ift.tt/2ePXw57

張貼於生活點滴. 標籤: . Leave a Comment »

教大民主牆現奚落劉曉波夫婦標語 | 立場報道 | 立場新聞

等睇官員大聲譴責 (不過九成無呢一幕)
由學生會管理的教育大學民主牆日前出現嘲笑教育局副局長蔡若蓮喪子的標語,引起校方和政府猛烈批評。…
http://ift.tt/2gQMDk3

張貼於生活點滴. 標籤: . Leave a Comment »
%d 位部落客按了讚: